Tərtər və Ağdamda partlamamış hərbi sursat tapılıb

Cəbhəboyu rayonlarda top mərmisi və mina aşkar edilib.

Bu barədə Ölkə.Az-a Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) bildiriblər.

Tərtər rayonu

Cəmilli kəndi - bir əkin və altı partlayış yerinə baxış keçirilib, bir ədəd partlamamış hərbi sursat (9M22U raketinin (Qrad) mühərrik hissəsi) aşkar edilərək götürülüb, nəticə etibarilə 10000 kv.m ərazi yoxlanılıb.

Şıxarx kəndi - dörd ev və həyətyanı sahə, beş partlayış yerinə baxış keçirilib, bir ədəd partlamamış hərbi sursat (122 mm-lik OF-56 top mərmisi) aşkar edilib, nəticə etibarilə 25000 kv.m ərazi yoxlanılıb.

Ağdam rayonu

Əfətli kəndi - bir əkin sahəsində (Qarqar çayının sahili) bir ədəd PMN-E piyada əleyhinə mina aşkar olunaraq işarələnib və zəruri təhlükəsizlik tədbirləri görülüb, nəticə etibarilə 2000 kv.m ərazi yoxlanılıb. Aşkar olunmuş minanın sabah, iyunun 15-də, partlayış yolu ilə zərərsizləşdiriləcək.

Qaradağlı kəndi - iki əkin sahəsində üç partlayış yerinə baxış keçirilib, partlamamış hərbi sursat aşkar edilməyib, nəticə etibarilə 17 000 kv.m ərazi yoxlanılıb.

Füzuli rayonu

Qazaxlar kəndi - bir əkin sahəsində 12 partlayış yerinə baxış keçirilib, partlamamış hərbi sursat aşkar edilməyib, nəticə etibarilə 630 kv.m ərazi yoxlanılıb.

Horadiz şəhəri - iki əkin sahəsində iki partlayış yerinə baxış keçirilib, partlamamış hərbi sursat aşkar edilməyib, nəticə etibarilə 1640 kv.m ərazi yoxlanılıb.

İyunun 14-də dörd ev və həyətyanı sahə, yeddi əkin sahəsi, iyirmi səkkiz partlayış yerinə baxış keçirilib, iki ədəd partlamamış hərbi sursat (1 ədəd 9M22U raketinin (Qrad) mühərrik hissəsi və 1 ədəd 122 mm-lik OF-56 top mərmisi) aşkar olunaraq götürülüb və bir ədəd PMN-E piyada əleyhinə mina aşkar olunaraq işarələnib, zəruri təhlükəsizlik tədbirləri görülüb və gün ərzində 56270 kv.m ərazi təmizlənib.