“Region TV” dövlət tərəfindən ayrılan vəsaitin xərclənmə istiqamətini açıqladı
“Region TV”nin rəsmisi İsmayıl Həsənov Ölkə.Az-a açıqlamasında ayrılan vəsaitin peyk yayımına və kommunikasiya xətlərinin çəkilməsinə xərclənəcəyini bildirdi:
“Əsas diqqəti yayım keyfiyyətinin daha da artırılmasına yönləndirəcəyik. Məqsəd tamaşaçıları daha keyfiyyətli yayımla təmin etməkdir. Bunun üçün də ayrılan vəsaiti texniki vasitələrin yenilənməsi, əlavələrin alınmasına sərf ediləcək. Çünki texnika hər gün yenilənir və televiziya da daim ən son texnologiya ilə işləməlidir”.
İ.Həsənov ayrılan vəsaitinin nəzərdə tutulan işləri yerinə yetirməyə nə qədər imkan verməsinə də münasibət bildirib:
“Düzdür, ayrılan vəsait nəzərdə tutduğumuz işlərin tam yerinə yetirilməsi üçün yetərli deyil. Lakin bu vəsaitin məqsədi telekanallara daha keyfiyyətli yayım üçün dəstək olmaqdır. Biz də vəsaiti məhz həmin istiqamətdə xərcləyəcəyik. Tam olaraq bu vəsaitin texniki xərclərin neçə faizini təşkil edəcəyini deyə bilməsək də, amma texniki imkanları genişləndirmək üçün bir çox işlər görəcəyik”.
