Rusiya Hələbdə iki sutkalıq atəşkəs elan edib

Rusiya Federasiyası Müdafiə Nazirliyi rəsmi surətdə bildirib ki, Suriyanın Hələb şəhərində 48 saatlıq "sakitlik rejimi" - atəşkəs elan edilib.

Rejim 2016-cı il 00:01-dən qüvvəyə minib.

Bu barədə Ölkə.Az Rusiya Müdafiə Nazirliyinin saytına istinadən məlumat verir. Atəşkəs rejimi döyüş əməliyyatlarının tamamilə dayandırılmasını, istənilən növ silah tətbiqinin qadağan edilməsini nəzərdə tutur.

ABŞ Dövlət Katibi Con Kerri Suriya rejiminin Hələb şəhərində hücumları davam etdirməsindən narahatlıq bildirərək deyib: "Rusiya anlamalıdır ki, ABŞ-ın səbri sonsuz deyil".

Bu bəyanatdan bir neçə saat sonra RF Müdafiə Nazirliyi Hələbdə atəşkəs elan edib.

Qeyd edək ki, bu həftənin əvvəlindən Hələbdə döyüş əməliyyatları nəticəsində 70 dinc sakin həlak olub.

İlhamə
Ölkə.Az