Türkiyədə yanğın

Türkiyənin Konya şəhərində avtomobil dayanacağında güclü yanğın baş verib. 

Ölkə.Az Trend-ə istinadən xəbər verir ki, bu barədə Türkiyənin "Milliyet" qəzeti yazıb.

Məlumata görə, hadisə nəticəsində 70-ə yaxın minik və yük avtomobilləri, o cümlədən mikroavtobuslar yararsız vəziyyətə düşüb.

Yanğını təxminən iki saatdan sonra söndürmək mümkün olub.

Yanğının baş vermə səbəbləri məlum deyil.