Venesuelada repressiyalar başlayır
Venesuela prezidenti Nikolas Maduro ölkədə ağır iqtisadi vəziyyətə etiraz edənlərin 20 il müddətinə azadlıqdan mərhum edilməsini tələb edib.
Ölkə.Az xəbər verir ki, getdikcə kəskinləşən sosial-iqtisadi vəziyyət Venesuelada ərzaq çatışmazlığına gətirib çıxarıb və artıq aclıq çəkən şəxslər ölkənin bir çox şəhərlərində küçələrə çıxaraq hökumətdən tədbirlər görməyi tələb ediblər.
Ölkənin paytaxtında polis və ordunun amansız davranışları nəticəsində aksiyaları yatırmaq mümkün olsa da bir çox əyalət şəhərlərində etirazçılarla polis arasında ciddi toqquşmalar olub.
İğtişaşların ən ciddi olduğu Kumana şəhərində isə yüzlərlə etirazçı polis tərəfindən həbs edilib.
Həbs edilənlərin məhkəmə prosesini şərh edən Venesuela prezidenti Maduro onlara ən ağır cəzanın, 20 il həbs cəzasının verilməsini tələb edib.
