ABŞ Dövlət Departamenti Obamadan Əsədi devirməyi tələb edir

Ölkə.Az Rusiya KİV-lərinə istinadən məlumat verir ki, ABŞ Dövlət Departamentinin əməkdaşları ölkə başçısı Barak Obamanı Suriya Hökumətinə qarşı hərbi əməliyyatlar aparmağa və bu ölkədə hərbi çevriliş etməyə çağırıblar.

"Dövlət Departamentinin onlarla əməkdaşı bu həftə ABŞ-ın Suriyadakı siyasətinə etirazlarını bildirib. Onlar daxili sənəd imzalayıblar. Sənəddə Dəməşqdə hökumətə məqsədyönlü hərbi zərbələr endirmək təklif olunur və qeyd edilir ki, Əsəd rejiminin dəyişdirilməsi İŞİD-ə qalib gəlməyin yeganə yoludur.

Dövlət Departamentinin 51 əməkdaşı bu sənədə imza atıb. Onların arasında çox yüksək vəzifəli məmurlar da var.

Bir qədər əvvəl Rusiyanın xarici işlər naziri Sergey Lavrov ABŞ-ı Suriya məsələsində səbirli olmağa çağırmışdı.

İlhamə
Ölkə.Az