"Taliban"la dialoq Əfqanıstan üçün yeganə yoldur

Ölkə.Az "Ria Novosti" agentliyinə istinadən məlumat verir ki, İslamabad "Taliban" radikal qruplaşması ilə danışıqlar aparılmasını Əfqanıstandakı münaqişənin yeganə həll yolu olaraq görür.

Bu barədə Pakistanın baş nazirinin xarici işlər üzrə müşaviri, faktiki oaraq hökumətdə xarici işlər naziri vəzifəsini icra edən Sərtac Əziz bəyanat verib.

O xatırladıb ki, ötən il "Asiyanın qəlbi"adlı konfransda dördtərəfli əlaqə qrupu yaradılmışdı (Əfqanıstan, Pakistan, ABŞ və Çin). Bu qrupun iş mexanizmi Kabil və taliblər arasında dialoq yaratmaqdan ibarət idi. "Biz belə görürük ki, siz (NATO və ISAF) son 15 ildə sülhü təmin edə bilmədiniz, indi dialoq yeganə çıxış yoludur, Taliban Əfqanıstanı işğal edə bilməsə də, uzun illər ölkədə mübarizə aparmağa və sabitliyi pozmağa gücü yetər.

İslamabad talibləri danışıqlar masasına oturtmaq üçün öz təsir gücündən istifadə edə bilər, lakin Kabil "yerdə" öz mövqelərini gücləndirməlidir. İkincisi, o taliblərə elə bir şey vəd etməlidir ki, taliblər bunu döyüş meydanında əldə etmək gücünə malik olmasınlar. Ümid edirəm ki, danışıqlar doğrudan da başalayacaq",- deyə Sərtac Əziz qeyd edib.

İlhamə
Ölkə.Az