Keçmiş terrorçu Ermənistanda dövlət çevrilişi hazırlayırmış

Qarabağda döyüşmüş erməni terrorçusu Ermənistanda dövlət çevrilişi etməyə hazırlaşırmış

Ölkə.Az Ermənistan KİV-lərinə istinadən məlumat verir ki, müxalif hərbçi, Qarabağ müharibəsi iştirakçısı Jirayr Səfilyan saxlanılıb.

2016-cı il mayın 20-də Tsisenakaberd şosesində avtomobillərdən birində AK-74 tipli iki avtomat və 120 güllə tapılıb.

Silah və döyüş sursatlarının qanunsuz saxlanılması ilə bağlı məsuliyyətə cəlb olunan sürücü və sərnişinin verdiyi məlumata görə, Jirayr Sefilyan bir qrup şəxslə silahlı hücumlar təşkil etməklə, bina, tikinti, rabitə və kommunikasiya vasitələrini, o cümlədən İrəvandakı teleqülləni tutmağı planlaşdırıb, bu məqsədlə silah və döyüş sursatlarının əldə olunması, daşınması və saxlanması həyata keçirilib. Dəstə üzvlərindən bəziləri aprel müharibəsindən sonra fəaliyyətə keçməyi planlaşdırıblar. Faktla bağlı cinayət işi açılıb. Cinayət işi çərçivəsində 8 nəfərə qarşı ittiham irəli sürülüb. Bu gün Jirayr Səfilyan və 6 adamı həbs olunub. Bir nəfər barəsində isə axtarış elan olunub.

İlhamə
Ölkə.Az