Yaponiya 4 il sonra süni qanın kütləvi istehsalına başlayacaq

Ölkə.Az "İtar-Tass" agentliyinə istinadən xəbər verir ki, yaponiyalı alimlər 2020-ci ilə qədər süni qan istehsalına başlamağı planlaşdırırlar.

Bu barədə Yaponiyanın "Nikkey" qəzetində məlumat verilib.

"Megakaryon" şirkəti aprel ayında ilk uğurlu nümunələri əldə edib. Korprasiyanın prezidenti Qendziro Miva hələ 2008-ci ildə Tokio Universitetinin professoru Xiromitsu Nakauti ilə birlikdə süni qan yaratmaq üzərində işə başlamışdı.

"Alimlər əksər hallarda yeni texnologiyaları kommersiya relslərinə salmaqda çətinlik çəkməkdən şikayətlənirlər. Əgər biznes aləmindən kimisə bu işə cəlb edə bilməsək, Yaponiya xarici rəqiblərindən bu sahədə geridə qalacaq", - deyə Nakauti qeyd edib.

İlhamə
Ölkə.Az