Metroda yeni oturacaqların quraşdırılmasına başlandı
Bakı Metropolitenin stansiyalarında yeni oturacaqlar quraşdırılır.
Ölkə.Az xəbər verir ki, bunu "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib. O qeyd edib ki, artıq metronun “Elmlər” stansiyasında yeni oturacaqlar quraşdırılıb.
“Keçən il Bakıda keçirilən Avropa Oyunları ərəfəsində təhlükəsizlik tədbirləri ilə əlaqədar metronun “Elmlər”, “Sahil” və “Cəfər Cabbarlı” stansiyalarında köhnə oturacaqlar götürülmüşdü. Hazırda isə onlar yeniləri və daha yaxşıları ilə əvəz olunur”.
N.Paşayev bildirib ki, hər stansiyada 10 ədəd yeni oturacaq quraşdırılacaq: “Artıq “Elmlər” stansiyasında oturacaqların quraşdırılmasına başlanılıb. Növbə ilə digər 2 stansiyada da yeni oturacaqlar quraşdırılcaq”.
