Mahaçqala merinin oğlu polisi öldürmək istəyib

Mahaçqala merinin oğlu Badruddin Musayev polis əməkdaşlarının həyatına qəsd etməkdə ittiham olunur.

Ölkə.Az "İnterfaks" agentliyinə istinadən xəbər verir ki, zərərçəkmiş yol polis əməkdaşları öz ifadələrində bildiriblər ki, Mahaçqala merinin oğlu B. Musayev "Mersedes-Benz" markalı avtomobili sərxoş vəziyyətdə idarə edərkən yol hərəkət qaydalarını kobud şəkildə pozub. Polislər maşını saxlamaq istəyərkən sürücü və yanındakı sərnişin polislərə hücum edib, onları döyüblər. Daha sonra B. Musayev avtomobilinə oturub və maşını sürətlə yol polislərinin üzərinə sürüb.

Musayev və yanındakı sərnişinə qarşı RF Cinayət Məcəlləsinin 318-ci maddəsinin I hissəsi üzrə (hakimiyyət nümayəndəsinə qarşı güc tətbiq etmək) cinayət işi açılıb.

İlhamə
Ölkə.Az