Bakıda polis bölməsinin yanında "07" qadını qanına qəltan etdi
Səhər saatlarında Xəzər rayonu Buzovna qəsəbəsi, polis bölməsinin yaxınlığında piyadanın vurulması ilə nəticələnən qəza baş verib.
Ölkə.Az xəbər verir ki, 1Xəbər.com-un hadisə yerində olan müxbirinin verdiyi məlumata görə, "VAZ 2107" markalı avtomobil yoldan keçən qadını vurub. 28-35 yaşlı qadın 150 metr yaxınlıqda olan piyada keçidindən istifadə etməyən və dayanacağa tələsərkən sürəti yüksək olan avtomobil tərəfindən vurulub.
Hadisə yerinə polis əməkdaşları gəlib. Yaralıya ilk yardımı elə polis əməkdaşları göstərib. İlkin məlumata görə, qadının vəziyyəti çox ağırdır. Hadisə yerində Təcili Tibbi Yardım əməkdaşları işləyirlər.
