Prezidentin nardaranlılarla zarafatı
Xəbər verdiyimiz kimi, prezident İlham Əliyev ötən gün Bakının Nardaran qəsəbəsinə baş çəkib. Ölkə başçısı görüşdə sakinlərlə zarafat da edib.
Həmin dialoqu təqdim edirik:
Prezident İlham Əliyev: İndi yaxşı fürsət oldu görüşməyimizə, həm Ramazan ayında, həm də yeni yolların açılışı münasibətilə. Qaz, işıq, hər şey qaydasındadır?
Sabunçu Rayon İcra Hakimiyyətinin başçısı Adil Vəliyev: Hər şey qaydasındadır. Sərfiyyat 70 faiz aşağı düşüb. Tam ödəniş var. Çünki insanlara güzəşt olunur.
İlham Əliyev: Əvvəllər bir az ödəmirdilər. Bir az deyəndə yumşaq deyirəm.
Ağasəid Orucov: 42 milyon manat borc yığılmışdı.
Adil Vəliyev: Möhtərəm Prezident hamısını sildi.
İlham Əliyev: Dedik ki, bunu silək, amma bundan sonra day olmasın.
Ağasəid Orucov: Daha olmayacaq. Çox sağ olun, təşəkkür edirik.
Adil Vəliyev: Sərfiyyat da 70 faiz aşağı düşüb. Qaz, su, işıq tam qaydasındadır.
Ağasəid Orucov: Çox yaxşıdır. Heç bir problem olmayacaq. Cənab Prezident, çıxışımda da qeyd etdim, həqiqətən bir problemimiz olmayıb. Daim işığımız, qazımız olub, çox sağ olun.
