Mard: Avropa İttifaqı Azərbaycanla əməkdaşlığı davam etdirmək istəyir
“Avropa İttifaqı Azərbaycanla əməkdaşlığımız üçün vacib olan sahələrin inkişafı baxımından “Şərq Tərəfdaşlığı” siyasəti çərçivəsində əməkdaşlığı davam etdirmək istəyir”.
Ölkə.Az-ın APA-ya istinadən verdiiy məlumatına görə, bunu Aİ-nin Azərbaycandakı nümayəndəliyinin rəhbəri Malena Mard “Azərbaycan Mobillik naminə Tərəfdaşlıq” konfransında çıxışı zamanı deyib.
O bildirib ki, bu il Aİ-Azərbaycan əməkdaşlığının 25 illiyi qeyd olunur.
“Bu əməkdaşlığın gələcəyi var. Əməkdaşlığımız bir çox sahədə dərinləşmək və genişlənməkdədir. Bu sahələrdən biri insanlararası əlaqələrdir”, - deyə M.Mard qeyd edib.
O, mobillik naminə əməkdaşlıq layihəsinin əməkdaşlığın inkişafı baxımından vacib layihə olduğunu deyib.
“Layihə 2016-cı ilin yanvarından başlayıb, 3 il ərzində icra olunacaq”, - deyə M.Mard vurğulayıb.