ATƏT sədri Minsk qrupu həmsədrləri ilə Dağlıq Qarabağdan danışdı
Almaniyanın xarici işlər naziri, ATƏT-in fəaliyyətdə olan sədri Frank Valter Ştaynmayer ATƏT-in Minsk qrupu həmsədrləri ilə görüşüb.
APA-nın məlumatına görə, bu barədə ATƏT-in Almaniyadakı Sədrliyinin “twitter” səhifəsində qeyd olunub. Görüşdə Dağlıq Qarabağ münaqişəsinin həlli istiqamətində müzakirələr aparılıb.
Görüşə ATƏT-in fəaliyyətdə olan sədrinin şəxsi nümayəndəsi Anjey Kaspşik də qatılıb.
