Suraxanını kanalizasiya suları basdı, internet və telefon xətləri sıradan çıxdı

Suraxanı rayonunun böyük hissəsində, xüsusən Əmircan və Bülbülə qəsəbələrində telefon və internet problemi yaranıb.

Bu barədə Ölkə.Az-a rayon sakinləri məlumat veriblər. Qeyd olunur ki, artıq iki gündür Suraxanıda eyni problem yaşanır. Ancaq sakinlərə bunun səbəbi ilə bağlı heç bir məlumat verilmir:

"Əlaqə saxlayıb səbəbi öyrənmək istəyirik. Ancaq aidiyyatı qurumların telefonları da cavab vermir".

Şikayətçilərin bildirdiyinə görə, kanalizasiya suları yeraltı telefon xətlərini sıradan çıxardığına görə bu vəziyyət yaranıb.

Mövzunu diqqətdə saxlayacağıq.

İntiqam VALEHOĞLU
Ölkə.Az