Roma Papası xristianları homoseksuallardan üzr istəməyə çağırdı

Roma Papası Fransisk Roma Katolik Kilsəsinin, eləcə də bütün xristianların homoseksuallara keçmişdə göstərdikləri münasibələrə görə üzr istəməli olduqlarını bəyan edib.

Ölkə.Az "Reuters" agentliyinə istinadən xəbər verir ki, onun sözlərinə görə homoseksuallar diskriminasiyaya uğradılmamalı, onların seçiminə hörmətlə yanaşılmalıdır.

"Bütün məsələ bundan ibarətdir. Əgər insan xoş niyyətlidirsə və Tanrını axtarırsa, biz kimik ki, onu mühakimə edək. Homoseksuallığa meyilli doğulmaq günah deyil, homoseksual aktlar günahdır, buna görə də onlar dözümlü olmalı, müdrik düşünməlidirlər.

Biz çox şeylərə görə üzr istəməliyik. Həm də yalnız geylərdən deyil, insanlıq qarşısında törədilmiş cinayətlərə görə əfv diləməliyik",- deyə pontifik bildirib.

İlhamə
Ölkə.Az