Qazaxıstanlı səfir ermənilərə dərs verdi
Qazaxıstanın Ermənistandakı səfiri Timur Urazayev Yerevanda keçirilən konfransında erməniləri özündən incik salıb.
Ölkə.Az xəbər verir ki, səfirin "erməni soyqırımı" ilə bağlı "problem hələ təsdiq olunmayıb" açıqlaması Ermənistanda şok effekti yaradıb.
Erməni jurnalistlərin "Qazaxıstan niyə "erməni soyqırımı"nı tanımır?" sualına səfir gözlənilməz cavab verib. "Ermənilər özləri Qazaxıstanda soyqırım törədib". Səfir bu sözlərlə 1920-1930-cu illərdə Qazaxıstana rəhbərlik etmiş erməni Levon Mirzoyana eyham vurub.
Qeyd edək ki, həmin illər ərzində aclıq səbəbi ilə əhalinin yarısı ölüb, ev heyvanlarının demək olar 90 faizi tələf olub. O zaman Qazaxıstana rəhbərlik edən bu şəxsin əmri ilə əhalinin taxıl və mal-qaraları əllərindən alınaraq mərkəzə göndərilirdi. Məhz bu səbəbdən 2 milyon 230 min qazax acından ölmüşdü.
"Erməni soyqırımı"nın olduğunu və bunun Qazaxıstan tərəfindən tanınması hələ ki, doğru deyil. Çünki hər şeydən əvvəl problem doğru həll edilməli və burada nə qədər insanın təqsirləndirildiyini tapmaq lazımdır",- deyə qazaxıstanlı səfir vurğulayıb.
