Qəhrəman polis həyatı bahasına terrorçu kamikadzeni dayandırdı
Atatürk hava limanında terror aktı zamanı bir polis işçisi özünü partlatmağa hazırlaşan terrorçu kamikadzenin üstünə atlayıb.
Ölkə.Az Türkiyə KİV-lərinə istinadən xəbər verir ki, bu barədə Amerikanın NBC News telekanalının müxbiri hadisə şahidlərinin ifadələri əsasında məlumat verib.
Britaniyanın "Daily Mail" qəzetində isə bu hadisə ilə bağlı belə yazılıb: "Hadisə şahidlərinin dediyinə görə, qəhrəman bir polis məmuru hava limanı terminalıın girişində özünü partlatmağa hazırlaşan kamikadzenin üzərinə atlayaraq canı bahasına bombanın partlamasının qarşısını aldı".
