Anasını, arvadını və 6 uşağını öldürən qatil ömürlük azadlıqdan məhrum edildi
Rusiyanın Nijeqorod vilayət məhkəməsi 2015-ci ilin yayında ailəsini amansızlıqla qətlə yetirmiş Oleq Belova hökm oxuyub.
Ölkə.Az Rusiya KİV-lərinə istinadən xəbər verir ki, məhkəmə materiallarına əsasən Belov keçən il iyulun 26-da öz evində arvadını və 6 uşağını bıçaqlayıb.
Daha sonra o, cəsədləri parçalara ayıraraq bağına aparıb və basdırıb. Hadisəni heç kimə danışmaması üçün Belov tək şahidi-doğma anasını da öldürüb.
Belovun vəkili Belovun ruhi xəstə olduğunu əsas gətirərək bildirb ki, o həbs edilə bilməz. Bununla belə, məhkəmə Oleq Belovu ömürlük azadlıqdan məhrum edib.
