Ukraynada "Avroviziya" mahnı müsabiqəsini keçirməyə yer yoxdur
Ukraynada "Avroviziya -2017" mahnı müsabiqəsini harda və necə keçirmək barədə müzakirələr mübahisələrə səbəb olub.
Ölkə.Az xəbər verir ki, bu barədə ölkənin mədəniyyət naziri Yevgeni Nişuk ölkənin dövlət kanalı ilə çıxışı zamanı bildirib.
"Bizdə bu səviyyəli müsabiqəni keçirmək üçün arena yoxdur. Kiyev Olimpiya stadionunun üzərini müvəqqəti örtüklə bağlasaq bu örtükdən ağır avadanlıqlar asmaq mümkün olmayacaq. Buna görə də, Lvov və Kiyevdə yeni arena tikilə bilər",- deyə nazir qeyd edib.
Kiyev Meri Vitali Kliçko 70 milyon dollarlıq bir layihənin həyata keçirilməsini təklif etsə də, maliyyə naziri Aleksandr Danilyuk ölkənin çətin günlərində lazımsız xərclərdən çəkinməyə çağırıb.
2016-cı ildə keçirilən "Avroviziya" müabiqəsində ukraynalı müğənni Camala birinci yeri tutub.
İlhamə
