Ermənistan Rusiya ilə birgə HHM müqaviləsini ratifikasiya etdi
Ermənistan Milli Məclisi iyunun 30-da regional hava hücumundan müdafiə (HHM) sistemi yaratmaq haqqında sazişi ratifikasiya edib.
Bu barədə Ölkə.Az Ermənistan KİV-lərinə istinadən xəbər verir.
131 üzvü olan parlamentin 102 millət vəkili lehinə, 8 üzvü əleyhinə səs veriblər.
Birləşmiş HHM sistemi haqqında müqavilə Ermənistana Rusiyanın qırıcı təyyarələri, S-300 sistemi və RF Hərbi-Kosmik Qüvvələrinin kəşfiyyat məlumatlarından istifadə etməyə imkan verəcək.
Sənədin ratifikasiyası Ermənistanda birmənalı qarşılanmayıb. İctimai fəallar və bəzi təhlilçilər bu addımla Ermənistanın öz ərazisində qərar qəbul etmək imkanlarının məhdudlaşdığı və suveren hüquqlarının müəyyən dərəcədə Rusiyaya təhvil verildiyini bildirirlər.
İlhamə
