Ssenari yazın, 3 min qazanın
Azərbaycan Respublikası Kinematoqrafçılar İttifaqının elan etdiyi ssenari müsabiqəsi davam edir.
Qurumun mətbuat xidmətindən Ölkə.Az-a verilən məlumata görə, ittifaqın gənc və istedadlı ssenaristləri aşkara çıxarmaq məqsədilə elan etdiyi “Yeni nəfəs-II” qısametrajlı ssenari müsabiqəsinin vaxtı uzadılıb. Gənclər sentyabr ayının 31-ə qədər ssenarilərini təqdim edə bilərlər. Yaşı 35-dək olan gənclər 20 səhifədən çox olmamaq şərti ilə istənilən janrda - bədii, sənədli və animasiya ssenarilərini tərcümeyi-hal ilə birgə, üç nüsxədə çap variantında 31 sentyabr 2016-cı il tarixinədək müsabiqəyə təqdim edə bilər. Qaydaya əsasən Qran Pri 3000 manat, birinci yer 2000 manat, ikinci yer 1500 manat,
üçüncü yer 1000 manat məbləğində mükafatlandırılacaq. Qran Pri qazanan ssenarinin ekranlaşdırılması nəzərdə tutulub. Xatırladaq ki, müsabiqənin nəticələri oktyabr ayında açıqlanacaq.
