İnsan ətinin faydası və zərərləri
Britaniya alimləri hannibalizmin insan orqanizmi üçün nə dərəcədə təhlükəli olmasını araşdırıblar.
Ölkə.Az xəbər verir ki, tədqiqatların heyrətamiz nəticələri düşünməyə məcbur edir.
Belə ki, alimlər Yeni Qvineyada hələ də insan əti yeyən Fora qəbiləsində araşdırma aparıblar. Bu qəbilədə insanın beynini çiy-çiy yemək dini ayin kimi yerinə yetirilir. Və dünyanın heç bir yerində görünməyən bir xəstəlik də məhz bu qəbilə üzvləri arasında geniş yayılıb. Orqanizmdə 30 il inkubasiya dövrü keçirən Kuru xəstəliyi xəstədə güclü titrəmə, kəskin baş hərəkətlərinə və anlamsız gülüşə səbəb olur. Getdikcə güclü titrəmə və baş sirkələnmələri beyin toxumasının dağılmasına səbəb olur və xəstə 9-12 ay ərzində ölür.
Alimlər Kuru xəstəliyinə məhz onların yediyi insan beyninin səbəb olması qənaətinə gəliblər. Alimlər bişirilmiş şəkildə yeyilən insan əti və beyninin zərərsiz olduğunu söyləyirlər. Çiy beyinin nə üçün belə bir qorxunc xəstəliyə səbəb olması hazırda araşdırma mövzusudur.
İlhamə
