Azay Quliyevin ATƏT PA-nın vitse-prezidenti vəzifəsinə namizədliyi təsdiq olundu
Prezident yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev ATƏT Parlament Assembleyasının vitse-prezidenti seçilib.
Ölkə.Az xəbər verir ki, Azay Quliyev 119 səslə bu vəzifəyə seçilib.
Bundan başqa Tbilisidə keçirilən ATƏT PA-nın 25-ci sessiyasında qurumun prezidenti vəzifəsinə seçki keçirilib. 54 ölkədən 700 nümayəndənin iştirak etdiyi sessiyasında avstriyalı deputat Kristin Muttonen (Christine Muttonen) 86 səslə ATƏT PA-nın prezidenti seçilib.
Qeyd edək ki, Azay Quliyev Ermənistan-Azərbaycan, Dağlıq Qarabağ münaqişəsinin həlli ilə bağlı yeganə beynəlxalq mandata sahib olan ATƏT-də bu vəzifəyə seçilən ilk azərbaycanlıdır.