\"Müxalifətin bünövrəsi zəifdir\"

Bu gün müxalifət liderləri illərdir qazandıqları uğursuzluqlarını öz şəxsiyyətlərində və keçmişlərində axtarmalıdırlar. Çünkü istənilən binanın bünövrəsi düzgün qoyulmayanda, tikinti başa çatdıqdan sonra binada əyrilik dərhal nəzərə çarpır.

Bunu Ölkə.Az-a Azərbaycan Xalq Cəbhəsi Partiyasının (AXCP) sədr müavni Ehtiram Mehtiyev deyib. O, Azərbaycan müxalifətinin zəifləməsini liderlərin zəifliyində gördüyünü deyib:

“Birçox müxalifət liderlərinin də bünövrəsi zəifdir. Bu zəiflik zaman-zaman özünü göstərir. Azərbaycan müxalifətinin davamlı azalmasının başlıca səbəblərindən ən əsası bünövrə əyriliyi, təcrübəsizlik, fikir ayrılıqları, yeni ideyalara və yeni simalara yol verilməməsi, mənəm-mənəmlikdir. Eyni zamanda siyasi liderlərin fəaliyyət proqramları belə yoxdur. Nəticədə də illərdir seçkilərdə davamlı uduzurlar. İnsanlar da eyni simalara səs verməkdən yorulublar. Bəzən seçkiləri uduzan müxalifət liderləri özlərinin varlığını sübüt etmək üçün mitinq taktikasına üstünlük verirlər. Lakin sosial sifariş olmadığından keçirdikləri mitinq uğursuz alınır. Həmin düşərgədə təmsil olunan partiya liderləri və ora toplaşan azsaylı tərəfdarları isə cəmiyyət tərəfindən gülüş hədəfinə çevrilirlər. Biz bunu ötən ilin mart ayında Milli Şuranın mitinqində şahidi olduq. Keçirtdikləri uğursuz mitinqlə sanki cəmiyyətdə elə bir rəy yaratmaq istəyirdilər ki, guya devalvasiya və dünyada baş verən bütün proseslərin səbəbkarı iqtidardır. Devalvasiya isə təbii iqtisadi proses idi. Məgər populist çıxış edən, xalqa yalançı vədlər verən, hadisələrin mahiyyətinə varmayan müxalifət liderləri hakimiyyətdə olsaydılar bu hadislərin qarşısını ala biləcəkdimi? Beynəlxalq proseslərin qarşısını almaq qeyri-mümkündür”.

Ölkə.Az