Dənizin altında \"Çin səddi\" tikiləcək

Ölkə.Az Rusiya KİV-lərinə istinadən xəbər verir ki, rəsmi Pekin sualtı "Çin səddi"nin tikilməsini planlaşdırır.

Hökumətin verdiyi məlumata görə, bu, Cənubi Çin dənizi hövzəsində faydalı qazıntıların araşdırılması və bir sıra tədqiqatların aparılması üçün sualtı kosmik stansiya olacaq.

Cənubi Çin dənizinin Çin, Vyetnam və Filippinin maraqlarının toqquşduğu ərazi olması nəzərə alınarsa bu stansiyanın yerinin niyə məhz bura təyin edilməsi səbəbi aydın olur.

Bu stansiya əslində Çinin sualtı "Çin səddi" adlandırdığı böyük layihənin həyata keçirilməsi üçün baza rolunu oynayacaq. Bu sualtı sədd stasionar və üzən ötürücülər, sualtı robotlar, avtomatlaşdırılmış gəmilər və pilotsuz uçan aparatlardan ibarət olacaq. Bu pilotsuz uçan aparatların özəlliyi ondan ibarətdir ki, onlar həm havada həm də dəniz sularının dərinliklərində hərəkət edə bilirlər.

Ekspertlərin rəyinə görə, Çinin sualtı hərbi planları dünya okeanının az öyrənilmiş dərinliklərində yeni hərbi layihələrin inkişafına doğru atılan ilk addım olacaq.

İlhamə
Ölkə.Az