Dallas üzərindən uçuşlara qadağa qoyuldu

Ölkə.Az "BBC" agentliyinə istinadən xəbər verir ki, ABŞ hakimiyyəti Dallas şəhərindəki atışmadan sonra şəhər üzərindən təyyarələrin uşuşunu qadağan ediblər.

Son məlumatlara görə, 4 polisi öldürməkdə şübhəli bilinən 3 nəfər saxlanılıb, daha bir nəfər park yerində mühasirəyə alınıb və ətrafa atəş açmaqda davam edir. Polislər onunla danışıqlar aparır.

"Danışıqlar apardığımız şübhəli şəxs 45 dəqiqədir ətrafa atəş açır. O bildirib ki, son yaxınlaşmaq üzrədir və daha çox insanı öldürəcək",- deyə agentlik yerli polis məmuruna istinadən xəbər verir. Şübhəli şəxs şəhərin mərkəzindəki avtomobil parkına bomba yerləşdirdiyini bəyan edib.

Xəbər verildiyi kimi Texas ştatında silahlı insident baş verib.

Ölkənin Luizina və Minnesota ştatlarında polisin qaradərili amerikalılara qarşı zor tətbiq etməsinə qarşı Dallasda keçirilən etiraz aksiyası zamanı naməlum şəxslər polisə atəş açıblar.

Son məlumatlara görə, şəhərdə 4 polis ölüb, 7 polis isə yaralanıb.

Hazırda şəhərdə fövqəladə vəziyyət elan edilib.

İlhamə
Ölkə.Az