Koala evi özəlləşdirdi

Ölkə.Az Rusiya KİV-lərinə istinadən xəbər verir ki, Avstraliyada səyahətdən qayıdan ailə evə daxil olarkən sürprizlə qarşılaşıb. Salonda qoyulmuş divanda bir koala oturub maraqla onlara baxırdı.

Hadisə Avstraliyanın Yeni Cənubi Uels ştatında Mişel Qudmen və Viki Heynslərin evində baş verib. Ev sahibləri koalanın mənzilə itlər üçün qapıdan daxil olduğunu düşünürlər.

Ev sahiblərinin gəlişi vəhşi heyvanı heç də narahat etməyib, o divandan düşmədən sakitcə olan-bitəni müşahidə edib. Qudmen və Heyns heyvanları müdafiə cəmiyyətinə zəng edərək evlərini koalanın "işğalından" azad ediblər.

İlhamə
Ölkə.Az