Rus milyarder ilə lüks yaxtada gizli görüşmə
Lionel Messinin "Çelsi"yə keçəcəyi yazılır
"Ölkə.Az" xəbər verir ki İngiltərənin "The Sun" qəzetinin iddiasına görə bir neçə gün öncə "Çelsi" klubunun rus əsilli sahibi Roman Abramoviç ilə Lionel Messinin atası Jorge Messi arasında transferlə bağlı görüş baş tutub.
"Barselona" klubunun super ulduzu Lionel Messinin komandasından ayrılmaq üçün həmlələr etdiyini yazan qəzet eyni zamanda, rus iş adamının 1,5 milyard funt-sterlinq dəyərindəki super lüks yaxtasında gerçəkləşən bu görüşdə də Jorge Messinin oğlu üçün tələb etdiyi illik transfer məbləğini bildirdiyini qeyd edib.
Vergi qaçırdığı və bu səbəblə də İspaniya məhkəməsi tərəfindən 21 ay şərti həbs cəzasına məhkum edilən Lionel Messinin bu hadisə səbəbilə çox məyus olduğunu və "Barselona" klubundan ayrılmağı düşündüyünü iddia edən ingilis mətbuatı həmçinin xəbərdə "Çelsi" klubunun argentinalı ulduz üçün "Barselona" klubuna ən az 100 milyon funt-sterlinq təklif edəcəyini də qeyd edib.
