Atasının 40-ı çıxmayan müğənni oxuyub rəqs etdi
Üç həftə əvvəl atasını itirən müğənni Lalə səhnəyə çıxdı.
1Xəbər.com-un məlumatına görə, ifaçı Ramazan bayramı münasibətilə Qəbələdə düzənlənən konsertdə çıxış edib.
Sözügedən tədbir Qəbələnin məşhur əyləncə mərkəzlərinin birində baş tutub. Atasının yasını tutan Lalə müəyyən səbəblərdən öncədən planlaşdırılmış tədbirdə səhnəyə çıxmaq məcburiyyətində qalıb.
Lalənin atası 16 iyulda düyasını dəyişib. İfaçı bu barədə sosial şəbəkələrdə məlumat verib.
Konsertin tamaşaçılarından olan mənbə, saytımıza açıqlamasında Lalənin səhnədə gözəl musiqi nömrələri ilə çıxış etdiyini, mahnını ifa etməklə yanaşı rəqs etdiyini söylədi. Mənbə dünən axşam saatlarında bizimlə telefon əlaqəsi yaratdıqda Lalə-Nurkan cütlüyünün həmin an səhnədə olduqlarını dedi.
Aldığımız məlumata görə, adət-ənənə üzrə atasının yasını saxlamalı olduğunu çox gözəl anlayan Lalə tədbirdə iştirak edən sənətçi və aparıcılardan onun Qəbələdə, xüsusilə də səhnədə çəkilmiş heç bir fotosunu sosial şəbəkələrdə paylaşmamalarını xahiş edib.
Bu xahişə yalnız aparıcı Lətafət Ələkbərova əməl etməyib. O, Qəbələdə olduğunu qeyd edərək, fotoya belə şərh verib: “Tədbir sonrası gözəl xanımlarla”. 
32 yaşlı Lalə tamaşaçılara “Kristal” qrupundan tanışdır. Qrupdan ayrılandan sonra 2012-ci ildə Nurkan adlı Türkiyə vətəndaşı ilə ailə həyatı qurub.Bu evlilikdən onların iki övladı var. Nurkan-Lalə dueti kimi tanınan cütlük bərabər fəaliyyət göstərir.
