Ağ ayı qəfəsdə dəli olub öldü
Argentinanın Mendoza zooparkında saxlanılan və dünyanın ən kədərli ayısı sayılan Arturo dəli olaraq ölüb.
Ölkə.Az Türkiyə mediasına istinadən xəbər verir ki, 30 yaşlı şimal ayısı 23 illik ömrünü daş betonlar arasında 40 dərəcə istilikdə keçirib.
Heyvansevərlər dərnəklərinin fəalları şimal ayısının daha münasib bir heyvanxanaya köçürülməsini tələb etsələr də buna nail ola bilməyiblər. Arturonun qəfəsində sərinləyə bilməsi üçün 50 santimetr dərinliyində kiçik bir hovuz var idi.
Son müddət Arturo bir zombi kimi davranırdı. Baytarlar onun istidən və yalnızlıqdan dəli olduğunu söyləyirdilər. İki gün öncə Arturo qan dövranı pozulması səbəbi ilə öldü.
