ABŞ iki rus diplomatı ölkədən qovdu
Rusiya XİN iki diplomatının Vaşinqtondan qovulması ilə bağlı açıqlama verib.
Ölkə.Az xəbər verir ki, Rusiya XİN-nin rəsmisi Sergey Ryabkov iki rus doplomatının ABŞ-dan qovulduğu faktını təsdiqləyib.
Onun sözlərinə görə, ABŞ bu addımı Moskvada öz diplomatının polis tərəfindən döyülməsinə cavab olaraq atıb.
"Ümid edirik ki, Vaşinqtonda aqressiv antirusiya xəttinin nəyə gətirib çıxaracağını gözəl dərk edirlər. Əgər ABŞ bu tempdə davam etsə, onun hərəkətləri cavabsız qalmayacaq", deyə Ryabkov bildirib.
Xatırladırıq ki, Moskvada ABŞ səfirliyinə girmək istəyən amerikalı diplomatdan sənəd soruşan polis əməkdaşı ilə diplomat arasında qarşıdurma yaranmış və nəticədə onlar əlbəyaxa olmuşdular. Tərəflər günahı bir-birinin üzərinə atmışdı.
