Bu banklara kredit faizi ödənməməlidir

Bağlanan banklarda qoyulan əmanətlərə görə faiz verilməsə də, verilmiş və ödənişi davam edən kreditlərə görə müştəridən faiz tələb edilir.

Bu isə əmanəti olan şəxsin faizdən məhrum olması, krediti olan şəxsin isə faiz ödəməsi deməkdir. Ekspertlər bu halı qanuna zidd sayır. Yəni lisenziyası ləğv olunduqdan sonra belə bankların əmanətlərə görə faiz verməmək hüququ yoxdur.

Ölkə.Az xezerxeber.com-a istinadən bildirir ki, ya faizlər hər iki halda həm banka olan kreditlər üzrə, həm də əmanətlər üzrə ödənilməlidir, ya da əksinə, nə müştəri götürdüyü kredit borcuna görə, nə də əmanətlərə görə faiz ödəməlidir.

Ekspert Vüqar Bayramlının sözlərinə görə, bankın lisenziyası ləğv edildikdən sonra öhdəlikləri başqa bir banka ötürülür. Bu zaman bankda olan əmanətlər sahibi tərəfindən geri alınmırsa burda faizlərin dayanmasından söz gedə bilməz.

Ekspert bildirib ki, əgər vətəndaşlar belə hallarla qarşılaşıblarsa məhkəməyə müraciət edərək öz haqlarını tələb edə bilərlər.