Yük maşınını ötmək istəyərkən qəza törətdi: ölən və yaralananlar var
Yevlaxda ağır yol qəzası baş verib.
Dünən saat 18 radələrində Yevlax-Mingəçevir yolunun birinci kilometrliyində "Mercedes" markalı minik avtomobili "QazEL" markalı yük maşınına çırpılıb.
Nəticədə "Mercedes"də olan şəxslərdən 26 yaşlı oğlan hadisə yerindəcə keçinib. 40 və 26 yaşlı daha iki kişi ilə 61 yaşlı qadın isə ağır vəziyyətdə xəstəxanaya yerləşdirilib.
Bildirilir ki, qəza "Mercedes" ötmə manevrini yerinə yetirərkən baş verib. Faktla bağlı Yevlax Rayon Polis Şöbəsində cinayət işi açılıb, araşdırma aparılır. (lent.az)
