“İnsanlar mәni әsәbi biri kimi tanıyır”

Bu gün Avropa çempionatının final oyunu keçiriləcək. Həlledici qarşılaşmada Portuqaliya və Fransa milliləri qarşılaşacaqlar.

Oyundan əvvəl komandaların baş məşqçiləri mətbuat konfransında jurnalistlərin suallarını cavablandırıb.

Portuqaliya yığmasının çalışdırıcısı Fernando Santuş finalda qələbə qazanmaq üçün əllərindən gələni edəcəyini bildirib: "Turnir başlayanda biz favorit deyildik. Amma indi finaldayıq. Favoritlər sırasında Fransa, Almaniya və İspaniyanın adı çəkilirdir. İngiltərə, Portuqaliya və İtaliya finala vəsiqə qazanmaq üçün çalışırdılar. Bütün gücümüzü ortaya qoyacağıq. Uğur qazanmaq üçün hər şeyə sahibik". Santuş Ronaldonun təkbaşına yetərli olmadığını bildirib: "Dünyanın ən yaxşı futbolçusu bizim heyətimizdədir. Bunun üçün şanslıyıq. Amma bizim geniş heyətimiz yoxdu. Final oyununda şans da lazımdır. Bu, riyaziyyat və ya bilik yarışı deyil. Heyətdəki futbolçular ağır sezon keçiriblər. Onların 10-15-i psixoloji cəhətdən hazırdılar. Ona görə də, Ronaldo təkbaşına yetərli deyil". Siqaret çəkdiyi üçün təzyiqlərə məruz qalan mütəxəssis bunları deyib: "İnsanlar məni əsəbi biri kimi tanıyır. Amma belə deyil. Futbol zamanı hər şey başqa olur. Gün ərzində bir paketdən çox siqaret çəkməmişəm. Düzdür, bəzən istisnalar da olur. Daha çox dostlarımla çəkirəm". (Qafqazinfo)