İsrail prokurorluğu Netanyahunun fəaliyyətini araşdırır

İsrail baş prokurorluğu baş nazir Netanyahuya qarşı araşdırmalara başlayıb

Ölkə.Az Rusiya KİV-lərinə istinadən xəbər verir ki, İsrailin baş prokuroru və hökumətin hüquq müşaviri Avixay Mandelblit baş nazir Benyamin Netanyahuya aid olan bütün işlərə dair araşdırma aparmaq göstərişi verib.

Bu barədə yerli "Haaretz" qəzeti məlumat yayıb. Mandelbit bildirib ki, söhbət cinayət işindən getmir. Lakin o, araşdırmaların nə ilə əlaqədar olması barədə də məlumat verməyib.

Bir müddət əvvəl bəzi İsrail KİV-ləri Neanyahunun çirkli pulların yuyulmasında əli olduğu barədə məlumat vermişdilər. İsrail Ədliyyə Nazirliyi bu xəbərləri təkzib etmişdi.

İlhamə
Ölkə.Az