Azərbaycanlı aktyor: "Atama səhv dərmanlar verdilər, dünyasını dəyişdi"
Tanınmış aktyor İlkin Misgərli “ATV maqazin onlarla” verilişində maraqlı açıqlamalar verib.
Ölkə.Az xəbər verir ki, aktyor atasının iki il yanlış müalicə olunduğunu və bunun nəticəsində vəfat etdiyini söyləyib.
"Atamı iki il səhv müalicə etdilər, diaqnozlar səhv oldu, lazımsız dərmanlar verdilər, dünyasını dəyişdi. Bakıya pis halda gətirib çatdırdıq. Xərçəng xəstəliyindən əziyyət çəkirdi. Burada dəhşətə gəldilər ki, bu nə müalicədi? İndi Qılman həkim obrazına görə məni qınayırlar ki, “Həkim xələtdə qaçar? Elə həkim olar?”. Deyirdim, görməmişəm, amma pis həkimlər tanıyıram. Qılmanla həkimlərdən atamın qisasını alıram: savadsız həkim Qılman”.
Aktyor hazırda kirayədə yaşadığını da dilə gətirib:
“Bu dəqiqə nə təklif gəlsə, qəbul edərəm. Hərdən deyirlər, sən də dincəl, yorulmursan? Mən də istəyirəm ki, gedim dəniz kənarına, dincəlim. Amma qazanc lazımdır. Güclə çatdırıram. Hərdən heç çatdıra da bilmirəm. Anam xəstədir, ona baxıram. Evim də yoxdur, kirayə qalıram. Körpə uşağımın kirayədə böyüməsi də çətindir. Övladımın üzünü heç görə bilmirəm, bütün günü işləyirəm”.
