Britaniya maviləşir

Ölkə.Az "BBC"yə istinadən xəbər verir ki, son illərdə cinsiyyətini dəyişmək istəyən britaniyalıların sayı kəskin artıb və cins dəyişdirilməsi üzrə cərrahiyyə əməliyyatı üçün uzun növbələr yaranıb.

"The Guardian" qəzeti Birləşmiş Krallıqda cinsiyyətin dəyişdirilməsi üzrə 14 klinikanın hamısında pasientlərin sayının artdığını yazıb. Bunlardan bir neçəsində əməliyyatlara tələbat 100 faiz yüksəlib.

Londondakı Çarinq Cross xəstəxanasında pasientlərin sayı son 10 ildə dörd dəfədən çox artaraq 2006-2007-ci ildəki 498-dən 2015-ci ildə 1892-yə çatıb. Klinikanın psixiatriya məsləhətçisi James Barrett bunu qorxulu hədd adlandırıb.

Nottingham xəstəxanasına cinsiyyət dəyişdirilməsi üçün göndərişlərin sayı səkkiz ildə 28 dəfə artıb.

Mütəxəssislər xəbərdarlıq ediblər ki, belə göndərişləri olan pasientlərin uzun müddət cərrahiyyə əməliyyatı gözləməsi transgenderlər üçün təhlükəlidir.
Bu adamlar uzun gözləmə müddətində depressiyaya düşür və hətta intihara əl atırlar.

Britaniyada dövlət səhiyyəsi tərəfindən cinsiyyət dəyişməsi üçün cərrahiyyə və ya hormon müalicəsi gözləyən 15 min pasient var. Bunlardan 2700-ü uşaqlardır.

Transgender fəalları bildirirlər ki, bu rəqəm aysberqin yalnız görünən ucudur, beynəlxalq araşdırmaya görə trangenderlərin sayı rəsmi sənədlərdəkindən qat-qat çoxdur.

Avropa İttifaqı Təməl Haqlar Agentliyinin məlumatına görə Belçika, Hollandiya və Yeni Zelandiya əhalisinin 1 faizini transgenderlər və buna meylli insanlar təşkil edirlər.

İlhamə
Ölkə.Az