\"Samsung\", \"LG\" və \"Apple\" elastik displeylər buraxmağa hazırlaşır

Elastik displeylər populyarlaşır

Ölkə.Az xəbər verir ki, "IHS" analitik şirkəti yaxın illərdə daşınan qurğuların populyarlığının sürətlə artması sayəsində elastik displeylərə tələbatın çoxalacağını proqnozlaşdırır.

Belə ki, 2016-cı ildə elastik ekran istehsalçıları 3,5 milyard dollara yaxın qazanc əldə edəcəklər. Beş il sonra gəlir səviyyəsi 300% artacaq. Hazırda panellərin yalnız əyilən, bükülən və qatlanan variantları mövcuddur. Lakin növbəti 2-3 ildə tam bükülən ekranlar istehsal ediləcək.

"ICTnews" Elektron Xəbər Xidməti "DNI24" resursuna istinadən yazır ki, üç il əvvəl "Samsung" və "LG" şirkətləri ilk dəfə müxtəlif tərəflərə əyilə bilən "AMOLED" ekranlı displeylər nümayiş etdirib. Hazırda "Samsung", "E-ink", "LG", "Futaba" şirkətləri "AMOLED" displeylər hazırlayır. Şirkətlər bu növ ekranların fitnes-treker və smart saatlarda tətbiqini aktiv inkişaf etdirirlər.

Bu texnologiya yarışmasına yaxın gələcəkdə öz smartfonunun səkkizinci versiyasını buraxmağa hazırlaşan "Apple" şirkəti də qoşulacaq.

İlhamə
Ölkə.Az