Gürcüstanın müdafiə naziri postunu tərk edir

Gürcüstanın Respublikaçılar Partiyası seçkiqabağı kampaniyaya start verib və bir neçə gündən sonra partiyanın üzvləri - müdafiə naziri Tina Xidaşeli ilə barışıq və vətəndaş bərabərhüquqluluğu üzrə dövlət naziri Paata Zakareişvili öz postlarını tərk edəcəklər.

Ölkə.Az xəbər verir ki, Respublikçılar Partiyasının lideri, Gürcüstan parlamentinin sədri David Usupaşvili bildirib ki, Respublikaçılar Partiyasından olan hər iki nazir ölkələri üçün çox iş görüblər:

“Bir neçə gündən sonra baş nazirin razılığı əsasında onlar öz işlərini yekunlaşdıraraq partiyanın təbliğat fəaliyyətinə qoşulacaqlar. Ətraf mühit naziri Giqla Aqulaşviliyə gəldikdə isə, o başqa seçim edib və partiyadan çıxaraq hökumətdə qalıb”.

Xatırladaq ki, oktyabrın 8-də Gürcüstanda parlament seçkiləri keçiriləcək.

İlhamə
Ölkə.Az