Külli miqdarda saxta 100 manatlıq əskinaslar satan şəxs saxlanılıb

Bakıda külli miqdarda saxta 100 manatlıq əskinas satan şəxs saxlanılıb.

Ölkə.Az-ın Daxili İşlər Nazirliyinə istinadən verdiyi məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində paytaxtın Nizami rayonu Q.Qarayev prospektində yerləşən "Ləzzət otağı" kafesində Kürdəmir rayon sakini, əvvəllər məhkum olunmuş Kamil Məmmədov 200 ədəd saxta 100 manatlıq əskinasları satarkən tutulub.

Ondan əlavə olaraq 56 ədəd 100 manatlıq, 4 ədəd 50 manatlıq saxta əskinaslar da götürülüb.

Faktla əlaqədar BMCMİ-nin İstintaq Şöbəsində cinayət işi başlanıb.

Ölkə.Az