Polşanın müdafiə naziri Rusları polyakların soyqırımında ittiham etdi

Ölkə.Az Rusiya mətbuatına istinadən xəbər verir ki, Polşanın müdafiə naziri Antoni Maçeroviç Volınski qətliamının əsas səbəbkarlarının ruslar olduğunu söyləyib.

Polşada Volınski soyqırımının il dönümünə həsr olunmuş mərasimdə çıxış edən polşalı nazir ölkəsinin əsl düşmənlərinin ruslar olduğunu söyləyib.

"Ukraynalı milliyyətçilərin əli ilə törədilmiş bu qırğının arxasında əslində ruslar dayanır. Milliyyətçi qüvvələrin bir hissəsindən qətliam törətmək üçün istifadə edən Rusiya bizim əsl düşmənimizdir",- deyə nazir bəyan edib.

O, həmçinin Ukraynadan həqiqəti söyləməyi tələb edib.

Xatırladaq ki, Volınski qətliamı 1943-44-cü illərdə Qərbi Ukraynada törədilib. Ukrayna Üsyançılar Ordusu cəlladlarının Ukraynanı milli azlıqlardan təmizləmə əməliyyatı adı altında həyata keçirdikləri vəhşilik hətta faşistləri belə mat qoymuşdu. Bu etnik təmizləmə nəticəsində əksəriyyəti polyaklar olmaqla 365 nəfər xüsusi amansızlıqla qətlə yetirilib.

İlhamə
Ölkə.Az