Eks prezident dəfn mərasimində rəqs etdi

Ölkə.Az Rusiya KİV-lərinə istinadən xəbər verir ki, ABŞ-ın keçmiş prezidenti Corc Buş Dallasda polis məmurlarının dəfn mərasimində qeyri-adekvat hərəkəti ilə yadda qalıb.

Belə ki, ABŞ prezidenti Barak Obama və xanımı Mişel Obama, eləcə də digər yüksək vəzifəli məmurların qatıldığı mərasimdə hər kəs bu qanlı cinayətə qarşı həmrəyliyini bildirmək üçün dualar oxunarkən əl-ələ tutub.

Eks-prezident kilsə xorunun dualarını yəqin ki, musiqi nömrəsi ilə qarışdırıb ki, dua sədası altında ritmik hərəkətlər etməyə başlayıb. Bununla o, əlindən tutmuş olduğu Mişel Obamanı da çətin vəziyyətə salıb.

Sosial şəbəkə istifadəçiləri Buşun bu davranışını xoş qarşılamayıblar.

İlhamə
Ölkə.Az