Teresa May ölkəni idarə etmək üçün \"dəmir ledi\" olmaq məcburiyyətindədir

Ölkə.Az xəbər verir ki, bu gün Teresa Mey rəsmən Böyük Britaniyanın baş naziri postunu tutacaq.

Bu vəzifə heç də asan olmayacaq. Çünki, Böyük Britaniya II dünya müharibəsindən sonra özünün ən mürəkkəb dövrünü yaşayır. Mey yeni kabineti formalaşdırmalıdır. Daha sonra yeni baş nazir ölkəsinin Aİ-dən çıxması üzrə danışıqları davam etdirməlidir. Buna görə də o, Londonla Aİ arasında gələcək münasibətlərin modelini işləyib hazırlamalıdır.

Ölkədaxili problemlərin tənzimlənməsi ilə yanaşı yeni baş nazirin qarşısında dayanan ən çətin problem Putinlə münasibətləri normallaşdırmaq olacaq. Eyni zamanda G20 sammitinə yeni sima kimi daxil olacaq Mey Almaniya kansleri Angela Merkel, Amerikanın gələcək yeni prezidenti Hillari Klinton və ya Donald Trampla da münasibətlərin balansını qorumalı olacaq.

İlhamə
Ölkə.Az