İŞİD Ömər Şişaninin öldürüldüyünü təsdiqlədi

Ölkə.Az "BBC"yə istinadən xəbər verir ki, İŞİD terror təşkilatı Ömər Şişani adı ilə tanınan Tarkan Tayumurazoviç Batiraşvilinin öldürüldüyünü təsdiqləyib.

İŞİD-in “müharibə naziri” sayılan Şişani Gürcüstanda anadan olub. Atası gürcü, anası isə çeçendir. ABŞ 2014-cü ildə onun adını beynəlxalq terrorçular siyahısına salıb və başına 5 milyon dollar mükafat qoyub.

Ömər Şişaninin öldürülməsi barədə terror təşkilatının orqanı sayılan “Amag” agentliyi məlumat yayıb. Şişaninin İraqın Mosul vilayətinin cənubunda atışma zamanı məhv edildiyi bildirilir. Pentaqon daha əvvəl bir neçə dəfə 30 yaşlı terrorçunun öldürüldüyünü açıqlasa da, İŞİD bu məlumatları təkzib edib.

İlhamə
Ölkə.Az