8 yaşdan yuxarı 71 uşaq I sinfə gedəcək
Bu günə olan məlumata görə, I sinfə qəbulla bağlı 46523 uşaq qeydiyyatdan keçib. Onlardan 24871 –i oğlan, 21652 -si qızdır.
Bu barədə Ölkə.Az-a Təhsil Nazirliyindən məlumat verilib.
Məlumatda qeyd edilib ki, məktəb yaşı tamam olmayan 4708 uşaq birinci sinifə getməklə bağlı müraciət edib.
8 yaşdan yuxarı 71 uşaq I sinfə qəbulla bağlı elektron qeydiyyatdan keçib. Onlardan 34 nəfəri qız, 37 – si oğlandır.
Təhsil nazirinin 19 fevral 2016-cı il tarixli, 108 nömrəli əmrinə əsasən, 2016-2017-ci dərs ili üçün I sinfə şagird qəbulunun elektron sistem vasitəsi ilə həyata keçirilməsi prosesinə 1 mart 2016-cı il tarixdən başlanılıb.
Uşaqların I sinfə qəbulu prosesi 15 sentyabr 2016-cı il tarixinədək davam edəcək.
