Rus aviasiyası İŞİD-in düşərgələrini bombaladı
Rusiya Müdafiə Nazirliyi Suriyada çəkilmiş növbəti videogörüntünü yayıb.
Ölkə.Az xəbər verir ki, Rusiya hərbi kosmik qüvvələrinin strateji bombardmançı Tu-22M3 təyyarələri Suriyanın bir neçə bölgəsində yerləşən İŞİD terror təşkilatının düşərgə, qərargah və digər obyektlərini bombalayıblar.
Rusiya ərazisindən qalxan təyyarələr Tu-22M3 bombardmançıları Suriyanın Palmira, Əs-Sühnə, Arak və Hums şəhərləri yaxınlığındakı İŞİD hədəflərinə ağır bombalar atıblar.
Rusiya Müdafiə Nazirliyindən verilən məlumata görə, İŞİD bütün hədəfləri yerləbir edilib və təyyarələr sağ-salamat Rusiyadakı aerodromlarına qayıdıblar.