\"Qarabağ\" çətin sınaq qarşısında

Çempionlar Liqasındakı yeganə təmsilçimiz olan "Qarabağ"ın III təsnifat mərhələsindəki rəqibi müəyyənləşib.

İsveçrənin Nyon şəhərində Çempionlar Liqasının III təsnifat mərhələsinin püşkü atılıb. Məlum olub ki, ağdamlılar Lüksemburq "Düdelanj"ını keçərlərsə, növbəti turda Çexiyanın "Viktoriya" komandasıyla qarşılaşacaqlar.

Xatırladaq ki, "Qarabağ" ilk oyunda "Düdelanj"ı Bakıda 2:0 hesabıyla məğlub etməklə məsələni demək olar ki, həll edib.

Qeyd edək ki, III təsnifat mərhələsinin oyunları 26-27 iyul və 2-3 avqust tarixlərində baş tutacaq.

İntiqam VALEHOĞLU
Ölkə.az