"İncirlik" bazasının türk komandanı ABŞ-dan sığınacaq istəyib

ABŞ-dan sığınacaq istəmiş İncirlik aviabazasının komandirinin xahişi rədd edilib

Ölkə.Az Rusiya KİV-lərinə istinadən xəbər verir ki, Türkiyədəki hərbi çevriliş cəhdində əli olan İncirlik Hərbi Hava Qüvvələri bazasının komandanı Bekir Ercan Van ABŞ-dan siyasi sığınacaq tələb edib.

The New York Times qəzetinin məlumatına görə, ABŞ tərəfi onun bu xahişinə rədd cavabı verib.

General iyulun 17-də həbs edilib.

Xatırladaq ki, İncirlik hərbi hava bazasından uçuşlar qadağan edilib və bazanın ətrafındakı hava məkanı bağlı elan olunub. Bazada hökumət əleyhinə qiyamda iştirak edənlərin saxlanılması üzrə xüsusi əməliyyat keçirilib.

İlhamə
Ölkə.Az